Sepedi 2000 (NSO00)
122

Go retwa Jerusalema

Ke sefela sa ge go iwa Tempeleng Jerusalema go rapela. Ke sa Dafida.

1221Ke ile ka thaba ge ba re go nna:

“A re yeng ntlong ya Morena.”

2Gomme bjale šemo re fihlile,

re eme ka dikgorong tša gago,

wena Jerusalema.

3Jerusalema ke motse wo o tsošološitšwego,

wa dintlo tša lenaneo le lebotse le peakanyo.

4Woo dikgoro tša Israele di rotogelago go wona, dikgoro tša Morena,

go mo tumiša ka moo a laetšego Baisraele ka gona.

5Ke mo go bego go dula magoši,

ditlogolo tša Dafida,

ge ba be ba ahlola batho ba bona.

6Kgopelelang Jerusalema khutšo, le re:

“Ba ba go ratago a ba iketle.”

7Ka gare ga gago a go be le khutšo,

le boiketlo bo be ka dintlong tša gago.

8Ka lebaka la meloko yešo le bagwera ba ka ke re go Jerusalema:

“Khutšo a e be go wena!”

9Ka lebaka la ntlo ya Morena Modimo

wa rena ke go kgopelela tše dibotse.