Sepedi 2000 (NSO00)
118

Modimo o retwa ka ge a thušitše tšhaba sa gagwe

1181

118:1
1 Dikr. 16:34
2 Dikr. 5:13
7:3
Esra 3:11
Pes. 100:5
106:1
107:1
136:1
Jer. 33:11
Retang Morena, gobane ke yo botho;

lerato la gagwe ke la go ya go ile.

2Baisraele a ba re:

“Lerato la gagwe ke la go ya go ile.”

3Ba lešika la Arone118:3 “lešika la Arone” Ke go re “baprista”. a ba re:

“Lerato la gagwe ke la go ya go ile.”

4Ba ba boifago Morena a ba re:

“Lerato la gagwe ke la go ya go ile.”

5Mola ke le tlalelong ke ile ka rapela Morena,

gomme a nkwa, a ntlhatlola.

6

118:6
Bah. 13:6
Ka ge Morena a na le nna ga ke boife;

motho wa nama yena a ka ntirang?

7Morena o na le nna gore a nthuše;

ka gona ke tla bogela manaba a ka a fentšwe.

8Go kaone go khuta ka Morena,

go na le go ikanya motho wa nama.

9Go kaone go khuta ka Morena,

go na le go ikanya babuši.

10Ke be ke dikaneditšwe ke baditšhaba bohle,

mme ka ba phaya ka thušo ya Morena.

11Ba be ba ntikaneditše ba ntsentšhitše gare,

fela ka ba phaya ka thušo ya Morena.

12Ba be ba mpokanela bjalo ka dinose,

fela ba lauma ka pela boka mollo wa mašaša a meetlwa,

mme ka ba phaya ka thušo ya Morena.

13Ba be ba ntlhasela118:13 Mohlomongwe go swanetše go balwa “Ba be ba ntlhasela” Seheberu se re “O be o ntlhasela”. wa go mphekeetša,

fela Morena a nthuša.

14

118:14
Eks. 15:2
Jes. 12:2
Nna ke maatlafatšwa ke Morena,

o a ntiiša;

ke yena Mohlakodiši wa ka.

15Baloki ba gobela ka mekutwaneng ya bona ka ge ba fentše,

ba re:

“Modimo o dira dimaka ka maatla a gagwe.

16Ka maatla a gagwe o re kgontšhitše go fenya;

Modimo o dira dimaka ka maatla a gagwe.”

17Nna nka se hwe, ke tla phela,

ka bega ditiro tša Morena.

18Morena o nkotlile gabohloko,

fela ga se a mpolaya.

19Mpuleleng dikgoro tša toka,118:19 “dikgoro tša toka” Ke go re “dikgoro tša Tempele”.

ke tsene ke rete Morena.

20Kgoro ya Morena še,

ke mo go tsenago baloki.

21Ke a go reta, ka ge o nkwele mme o mphološitše.

22

118:22
Luk. 20:17
Dit. 4:11
1 Pet. 2:7
118:22-23
Mat. 21:42
Mar. 12:10-11
Leswika le baagi ba le nyaditšego e bile lona la sekhutlo.

23Ke se se dirilwego ke Morena,

se a re tlaba ge re se bona.

24Le ke letšatši le le beilwego ke Morena;

a re hlalaleng, re gobeleng go lona!

25

118:25
Mat. 21:9
Mar. 11:9
Joh. 12:13
Re a go rapela, hle, Morena, re phološe;

nke o re atle, re a go kgopela.

26

118:26
Mat. 21:9
23:39
Mar. 11:9
Luk. 13:35
19:38
Joh. 12:13
A go retwe yo a tlago a romilwe ke Morena;

re le šegofatša re le ka ntlong ya Morena.

27Morena ke Modimo,

o re loketše;

swarang makala ka diatla,

le thome go keteka;

le sepele le dikologa aletare.

28O Modimo wa ka,

ke a go tumiša;

Modimo wa ka,

ke tla go reta.

29Tumišang Morena,

gobane ke yo botho;

lerato la gagwe ke la go ya go ile.