Sepedi 2000 (NSO00)
3

Modimo o tla sekiša ditšhaba

31Morena o re: “Mehleng yeo ke tla atla batho ba Juda le ba Jerusalema gape. 2Ke tla kgoboketša ditšhaba tšohle Moeding wa Tsheko, moo ke tlago ba sekišetša tše ba di dirilego setšhaba sa ka. Ba šwalalanyeditše Baisraele baditšhabeng, mme naga ya ka, Israele, ba e arolelana. 3Ba arolelane setšhaba sa ka ka matengwa, ba ithekela digwebakathobalo ka bašemane, beine ye ba e nwago ba e reka ka banenyana.

4

3:4-8
Jes. 23:1-18Amose 1:9-10
Sak. 9:1-4
Mat. 11:21-22
Luk. 10:13-14
3:4-8
Jes. 14:29-31
Jer. 47:1-7
Hes. 25:15-17
Amose 1:6-8
Sof. 2:4-7
Sak. 9:5-7
“Lena ba Tirose le lena ba Sidone, gotee le lena bohle ba dilete tša Filistia, le nnyakang? Kgane le leka go itefeletša ka se sengwe go nna? Ge eba go bjalo, tše le ntirilego tšona le nna ke tla itefeletša ka tšona go lena ka potlako. 5Le nkamogile silibera ya ka le gauta ya ka, la ba la thothela mahumo a ka a mantši ka ditempeleng tša gabolena. 6Le išitše batho ba Juda le ba Jerusalema kgole le ga gabobona la ba rekišetša Bagerike. 7Bjale ke ya go ba ntšha mafelong ao le ba rekišeditšego go ona. Le lena ke tla le dira tše le ba dirilego tšona. 8Ke tla dira gore barwa le barwedi ba lena ba rekišetšwe batho ba Juda; bona ba tla ba rekišetša Basheba, setšhaba se se dulago kgole. Ke realo, nna, Morena.

9“Begelang ditšhaba le re:

“ ‘Itlhameleng ntwa, le rapeng bagale;

rapang bahlabani bohle le tšweng dira!

10

3:10
Jes. 2:4
Mika 4:3
Kgatlang megoma le e direng ditšhoša,

ditsedi le di direng marumo.

Le dikoka di lebanwe ke go lwa.

11Itlhaganeleng3:11 Mohlomongwe go swanetše go balwa “Itlhaganeleng” Seheberu se re “Thušang”. le tleng,

lena ditšhaba tše di bapanego,

le kgobokaneng ka moeding.’ ”

Morena,

romela bagale ba gago lefaseng,

ba ba hlasele.

12“Ditšhaba a di itokiše,

di tle Moeding wa Tsheko.

Moo ke mo ke yago go dula gona,

nna, Morena,

ka sekiša ditšhaba tše di bapilego le lena.

13

3:13
Kut. 14:14-16,19-20
19:15
Ke tše kgopokgopo;

di ripeng boka mabele a budule.

Etlang le di pitleng go etša diterebe ge di pitlwa ka maoto bopitlelong bjo bo falalago beine.”

14Mašabašaba a kgobokane ka Moeding wa Tsheko,

ka gobane tšatši la go tla ga Morena le kgauswi,

le tla tla gona ka moo Moeding.

15Letšatši le ngwedi di a fifala,

le dinaledi ga di sa taga.

Modimo o tla atla setšhaba sa gagwe

16

3:16
Amose 1:2
Morena o bopa thabeng ya Sione;

lentšu la gagwe le porotla Jerusalema,

gwa šikinyega lefase le leratadima.

Fela go setšhaba sa gagwe yena ke botšhabelo,

ke sebo sa bona Baisraele.

17“Ke mo lena, Baisraele,

le tlago tseba

gore ke nna Morena Modimo wa lena.

Ke dula Sione, thabeng ya ka ye kgethwa;

Jerusalema e tla ba motse wo mokgethwa;

bašele ba ka se sa o hlasela.

18“Mehleng yeo dithaba di tla khupetšwa ke merara ye e entšwego;

diruiwa tša go fula mebotong di tla šiša;

dinokana tšohle tša Juda di tla ela.

Tempeleng ya Morena go tla runya mothopo,

wa elela Moeding wa Megohlo.

19“Egepeta e tla fetoga leganata,

Edomo e tla ba lešoka,

gobane di hlasetše naga ya Juda,

tša bolaya badudi ba yona ba se na molato.

20-21“Ke tla lefeletša3:20-21 Diphetolelo tše dingwe tša kgale di re “Ke tla lefeletša” Seheberu se re “Nka se ba bone molato”. ba ba bolailwego.

Ba ba nago le molato nka se ba babalele.

Eupša nageng ya Juda go tla dulelwa ruri,

Jerusalema le gona go tla dulwa go ya go ile.

Nna, Morena, ke tla dula thabeng ya Sione.”