25¹Bildade wa go tšwa Shuage a fetola a re:

²“Modimo ke kgoši,

bogoši le tlhompho ke tša gagwe;

o hlola khutšo kua godimo legodimong.

³Ke mang yo a kago bala makoko a barongwa?

Ke mang yo seetša sa Modimo se sa mo hlabelego?

⁴Na motho wa nama e ka ba moloki pele ga Modimo?

Kgane motswalwakemosadi a ka hlweka?

⁵Mahlong a Modimo le ngwedi ga o tage,

le dinaledi ga di hloke bosodi.

⁶Bjale motho wa nama,

yena e lego seboko,

a ka hlweka bjang?”