Sepedi 2000 (NSO00)
1

11

1:1
2 Dikg. 14:23-29
15:1-7
2 Dikr. 26:1-23
Puku ye ke mantšu a Amose yo e bego e kile ya ba modiša motseng wa Tekoa. Mengwageng ye mebedi ya pele ga tšhikinyego ya lefase, mola Usia e le kgoši ya Juda mme Jerobeamo, morwa wa Joase, e le kgoši ya Israele, Modimo o ile a utollela Amose taba tša puku ye mabapi le Israele.

2

1:2
Joele 3:16
Amose o rile:

“Morena o bopa a le thabeng ya Sione;

o hlabošitše lentšu a le Jerusalema,

ka gona mafulo a a omelela,

le mehlare ya thaba ya Karmele e a pona.”

Modima o tla otla ditšhaba tše di bapilego le IsraeleSiria

3

1:3-5
Jes. 17:1-3
Jer. 49:23-27
Sak. 9:1
Morena o re: “Batho ba motse wa Damaskose ba dirile dibe leboelela, ka lebaka leo ke tla ba otla. Ba be ba swere batho ba Gileade ka sehlogo se segolo, bjalo ka motho ge a fola mabele ka selei sa tshipi ka fase. 4Ka gona ke tla romela mollo mošate ga Kgoši Hasaele gomme wa tšhuma le dibo tša Kgoši Benhadade. 5Ke tla robaganya maphika a dikgoro tša Damaskose, ka fediša le badudi ba motse wa Abene le kgoši ya Bethe-Edene. Batho ba Siria ba tla išwa bothopša nageng ya Kire.”

Filistia

6

1:6-8
Jes. 14:29-31
Jer. 47:1-7
Hes. 25:15-17
Joele 3:4-8
Sof. 2:4-7
Sak. 9:5-7
Morena o re: “Batho ba Gasa ba dirile dibe leboelela, ka lebaka leo ke tla ba otla. Ba išitše setšhaba ka moka bothopša, ba se rekišetša batho ba Edomo ya ba makgoba. 7Ka gona ke tla romela mollo merakong ya Gasa wa fiša dibo tša gona. 8Ke tla fediša badudi ba motse wa Ashdode le kgoši ya Ashkelone. Ke tla otla motse wa Ekrone, gomme mašaledi a Bafilista a hwa.”

Tirose

9

1:9-10
Jes. 23:1-18Joele 3:4-8
Sak. 9:1-4
Mat. 11:21-22
Luk. 10:13-14
Morena o re: “Batho ba Tirose ba dirile dibe leboelela, ka lebaka leo ke tla ba otla. Ba išitše setšhaba sohle bothopša, ba se rekišetša batho ba Edomo ya ba makgoba, gomme ba se phethe kwano ye ba bego ba e dirile ya kagišano. 10Ka gona ke tla romela mollo merakong ya Tirose wa tšhuma dibo tša gona.”

Edomo

11

1:11-12
Jes. 34:5-17
63:1-6
Jer. 49:7-22
Hes. 25:12-14
35:1-15
Obad. 1-14
Mal. 1:2-5
Morena o re: “Batho ba Edomo ba dirile dibe leboelela, ka lebaka leo ke tla ba otla. Ba be ba hlomara Baisraele, bomorwarragobona,1:11 “bomorwarragobona” Baisraele ke ditlogolo tša Jakobo yo e bego e le ngwanaboEsau, rakgolokhukhu wa Baedomo. gomme ba itlhokiša lešoko. Ba ba galefela go feta tekanyo, gomme kgalefo ya bona ya se tsoge e fedile. 12Ka gona ke tla romela mollo motseng wa Temane wa tšhuma dibo tša Botsra.”

Amone

13

1:13-15
Jer. 49:1-6
Hes. 21:33-37
25:1-7
Sof. 2:8-11
Morena o re: “Batho ba Amone ba dirile dibe leboelela, ka lebaka leo ke tla ba otla. Dintweng tša bona tša go ikokeletša naga ba ile ba ba ba phula baimana dimpa kua Gileade. 14Ka gona ke tla tukiša mollo ka gare ga merako ya motse wa Raba, wa fiša dibo tša gona. Ke moo go tlago hlabja mekgoši ka letšatši la ntwa, gomme ntwa ya gakala bjalo ka ledimo. 15Kgoši ya bona le bakgomana ba gagwe ba tla išwa bothopša.”