Sepedi 2000 (NSO00)
6

Polokelo ya Kgwerano e tlišwa Jerusalema

(1 Dikr. 13:1-14; 15:25 – 16:6,43)

61Gapegape Dafida a kgobokanya bahlabani ba ba kgethilwego mo Israele, ya ba banna ba dikete tše masome a mararo. 2

6:2
Eks. 25:22
A ba eta pele ba ya Baala6:2 Mohlomongwe go swanetše go balwa “ba ya Baala” Lebelela 1 Dikr. 13:6. Seheberu se re “ba tšwa Baali” goba “ba tšwa go baetapele”. kua Juda go yo tšea Polokelo ya Kgwerano ya Modimo moo, ye e bego e abetšwe Morena Ramaatlaohle, yoo setulo sa gagwe sa bogoši se lego ka godimo ga bakerubi. 3
6:3
1 Sam. 7:1-2
Ba ile ba e tšea lapeng la Abinadaba mmotong, gomme ba e bea ka koloing ye mpsha. Usa le Agio, barwa ba Abinadaba, ba be ba hlahla koloi, 46:4 Phetolelo ye nngwe ya kgale e re “ba opela ka mafolofolo” Lebelela 1 Dikr. 13:8. Seheberu se re “le mehlare ya mephaene ka moka”.Agio a e etile pele. 5Dafida le Baisraele ka moka ba be ba bina ba opela ka mafolofolo go godiša Morena. Ba be ba letša diletšo tša dikgapa, diharepa, meropa, ditlhawatlhwadi le masenkana.

6Ge ba fihla seboeng sa Nakone, dipholo tša thetšwa, gomme Usa a iša letsogo a swareletša Polokelo ya Kgwerano ya Modimo. 7Gatee fela Morena Modimo a galefela Usa gomme a mmolaela go se hlomphe moo ga gagwe.6:7 Mohlomongwe go swanetše go balwa “go se hlomphe moo ga gagwe” Seheberu ga se kwagale gabotse. Usa a hwela moo ka thoko ga Polokelo ya Kgwerano, 8gomme felo fao gwa bitšwa Peretse-Usa6:8 “Peretse-Usa” Leina le ka Seheberu le ra go re “Kotlo ya Usa”. go tloga mohlang woo. Dafida a ferekana ka gobane Morena a otlile Usa a galefile.

9A boifa Morena mme a re: “A bjale Polokelo ya Kgwerano e tla tla go nna bjang?” 10Ka gona a se hlwe a nyaka go e iša ga gagwe Jerusalema, eupša a e aroša tsela mme a e iša lapeng la Obede-Edomo, motho wa motse wa Gathe. 11

6:11
1 Dikr. 26:4-5
E ile ya dula moo dikgwedi tše tharo, gomme Morena a šegofatša Obede-Edomo le lapa la gagwe.

12Kgoši Dafida a kwa gore ka lebaka la Polokelo ya Kgwerano, Morena o šegofaditše lapa la Obede-Edomo le tšohle tše e lego tša gagwe; ka gona a e tšea lapeng la Obede-Edomo a e iša Jerusalema ka lethabo le legolo. 13Ka morago ga ge banna ba ba bego ba rwele Polokelo ya Kgwerano ba sepetše magato a a selelago, Dafida a ba emiša ge a sa direla Morena sehlabelo ka poo le namane ye e nonnego. 14A bina ka mafolofolo go godiša Morena, a tšwere fela seaparo se sekgethwa lethekeng. 15Gomme yena le Baisraele ka moka ba iša Polokelo ya Kgwerano Jerusalema ka megobo ya lethabo le mollo wa diphalafala.

16Ge Polokelo e gorošwa motseng, Migale, morwedi wa Saulo, a lebelela ka lefasetere gomme a bona Kgoši Dafida a tšama a taboga a bina go hlompha Morena, mme a mo nyatša kudu. 17Ba tsenya Polokelo, ba e bea madulong a yona ka tenteng yeo Dafida a e hlometšego yona. Ke moka a direla Morena dihlabelo tša go tšhungwa ka moka le dihlabelo tša kagišano. 18Ge a feditše go dira dihlabelo tšeo, a šegofatša setšhaba ka leina la Morena Ramaatlaohle, 19

6:19-20
1 Dikr. 16:43
gomme a ba fa dijo ka moka ga bona. A fa monna le mosadi yo mongwe le yo mongwe mo Israele senkgwa, le nama ya go bešwa,6:19 “nama ya go bešwa” goba “senkgwa sa ditatlele” le phaphathi ya makwapi a diterebe. Ke moka yo mongwe le yo mongwe a boela gae.

20Ka morago ga moo, ge Dafida a eya gae go yo šegofatša ba lapa la gagwe, Migale a tšwa go tlo mo gahlanetša. A re: “Kgoši ya Israele lehono o itiretše leina le legolo! O itlhobotše a se ne dihlong bjalo ka setlaela mahlong a basetsana ba makgoba ba bahlankedi ba gagwe!”

21Dafida a mo fetola a re: “Ke be ke bina go tumiša Morena yo a nkgethilego a mpea moetapele wa setšhaba sa gagwe sa Israele bakeng sa tatago le lapa la gagwe. Gomme ke tla fela ke bina go godiša Morena, 22ka ikgoboša le go feta mo, ka ipona ke se selo, eupša basetsana bale o ba bolelago bona ba tla ntšeela godimo!”

23Migale, morwedi wa Saulo, a se ke a ba le ngwana go fihlela a ehwa.