Sepedi 2000 (NSO00)
25

251

25:1
Jer. 21:1-10
34:1-5
Hes. 24:2
ka gona Nebukadnesare a tla ka madira a gagwe ka moka, a hlasela Jerusalema ka letšatši la lesome la kgwedi ya lesome ya ngwaga wa senyane wa pušo ya Tsedekia. Ba hloma mešaša ka ntle ga motse, ba kgobela ntotoma ya mobu go o dikologa, 2mme ba o dikanetša go fihlela ka ngwaga wa lesome le o tee wa pušo ya Tsedekia. 3Ka letšatši la senyane la kgwedi ya bone25:3 Mohlomongwe go swanetše go balwa “kgwedi ya bone”. Lebelela Jer. 52:6. Seheberu se re “kgwedi”. ya wona ngwaga woo, ge tlala e befile moo e lego gore go be go se gwa šala selo sa go ja, 4
25:4
Hes. 33:21
morako wa motse wa kgerešwa. Le ge Bababilonia ba be ba dikaneditše motse, bahlabani ka moka ba ile ba tšhaba bošego. Ba tšea ka tsela ya serapa sa mošate, ba tšwa ka kgoro ye e kgomaganyago maboto a mabedi a serapa seo, gomme ba tšhabela thoko ya moedi wa Jordane. 5Eupša madira a Bababilonia a rakediša Kgoši Tsedekia, ba mo swara melaleng ya kgauswi le Jeriko, bahlabani ba gagwe ka moka ba šwalalane ba mo tlogetše. 6Tsedekia a išwa go Kgoši Nebukadnesare yo a bego a le motseng wa Ribla, gomme moo Nebukadnesare a mo ahlola. 7
25:7
Hes. 12:13
Barwa ba gagwe ba bolawa a lebeletše; ya ba gona Nebukadnesare a laelago gore Tsedekia a gonywe mahlo. A mo tlema ka diketane, gomme a mo iša Babilone.

Go thubja ga Tempele

(Jer. 52:12-33)

8Ka letšatši la bošupa la kgwedi ya bohlano ya ngwaga wa lesome le metšo ye senyane wa pušo ya Kgoši Nebukadnesare wa Babilonia, Nebusaradane, mohlankedi wa gagwe yo e bego e le molaodi wa baleti ba kgoši, a tsena Jerusalema. 9

25:9
1 Dikg. 9:8
A tšhuma Tempele le mošate le nywako le meago ka moka ye megolo Jerusalema, 10gomme bahlabani ba gagwe ba kgereša morako wa motse. 11Ke moka Nebusaradane a thothela batho ba ba bego ba šetše motseng Babilonia, le banna ba tsebo ya mediro ba ba bego ba25:11 Mohlomongwe go swanetše go balwa “banna ba tsebo ya mediro ba ba bego ba” Seheberu se re “lešaba le le bego le”. sa šetše, le bao ba bego ba šetše ba ineetše go Bababilonia. 12Eupša a šadiša badiidi ba bangwenyane nageng ya Juda gore ba šome mašemong le ka dirapeng tša merara.

13

25:13
1 Dikg. 7:15-26
2 Dikr. 3:15-17
4:2-5
Bababilonia ba pšhatlaganya dikokwane tša mphiri le dikoloyana tša ka Tempeleng, gotee le legopo le legolo la mphiri, gomme ba iša mphiri wa gona ka moka Babilone. 14
25:14
1 Dikg. 7:45
2 Dikr. 4:16
Ba thotha le dibjana tša go olelela melora, digarafo, ditimamabone, meruswi, le ditlabakelo ka moka tša mphiri tše di bego di šomišwa tirelong ya Tempeleng. 15Ba thotha dilo ka moka tše di bego di dirilwe ka gauta goba silibera, gammogo le dibjana tša magala le meruswi ya go foka madi. 16Mphiri wa dikokwane ka dipedi le wa dikoloyana le wa legopo le legolo, e lego dilo tše Kgoši Solomone a bego a di diretše Tempele, e be e le wo boima kudu go ka o ela. 17Dikokwane tšeo tše pedi di be di swana: ye nngwe le ye nngwe e be e le ya dimetara tše 8,3 go ya godimo, mme e na le hlogwana ya mphiri ka godimo ya bogodimo bja dimetara tše 2,3.25:17 Mohlomongwe go swanetše go balwa “2,3”. Lebelela Jer. 52:22. Seheberu se re “1,4”. Go rarela hlogwana ye nngwe le ye nngwe go be go na le ntikodiko ya mphiri ye e bego e kgabišitšwe ka diswantšho tša digarenate tša mphiri.

Batho ba Juda ba thopelwa Babilonia

(Jer. 52:24-27)

18Nebusaradane, molaodi wa baleti ba kgoši, a thopa Seraya, Moprista yo Mogolo, le Sofonia, moprista yo a bego a mo latela ka maemo, le baprista ba bararo ba ba bego ba leta mejako ya Tempele. 19Motseng a tšea molaodi wa madira, le baeletši ba bahlano ba kgoši ba ba bego ba sa le motseng, le mongwaledi wa molaodi yo mogolo yo a bego a hlokometše go rapa dira, le banna ba bangwe ba maemo ba masome a a selelago. 20Nebusaradane a ba iša go kgoši ya Babilonia yo a bego a le motseng wa Ribla 21nageng ya Hamate. Moo kgoši a laela gore ba itiwe, ba bolawe.

Ke ka moo batho ba Juda ba thothilwego nageng ya bona ba išwa bothopša.

Gedalia, mmušiši wa Juda

(Jer. 40:7-9; 41:1-3)

22

25:22-24
Jer. 40:7-9
Kgoši Nebukadnesare wa Babilonia a bea Gedalia, morwa wa Ahikamo, setlogolo sa Shafane, mmušiši wa naga ya Juda, gore a buše batho ka moka bao ba bego ba se ba išwa Babilonia. 23Ge balaodi ka moka ba madira a Bajuda le bahlabani ba ba bego ba tšhabile ba ekwa taba yeo, ba ikopanya le Gedalia kua Mitsepa. Bahlankedi bao e be e le Ishmaele, morwa wa Netania, Johanane, morwa wa Kareage, Seraya, morwa wa Tanhumete, wa motse wa Netofa, le Jaasania wa Maaka. 24Gedalia a re go bona: “Ke le enela gore bahlankedi ba Bababilonia ba ka se le tshwenye. Dulang mo nageng ye, le hlankele kgoši ya Babilonia, gomme tšohle di tla le lokela.”

25

25:25
Jer. 41:1-3
Eupša ka kgwedi ya bošupa ya ngwaga woo Gedalia a beilwego mmušiši ka wona, Ishmaele, morwa wa Netania, setlogolo sa Elishama, yo mongwe wa ba lapa la mošate, a ya Mitsepa le banna ba lesome, ba hlasela Gedalia mme ba mmolaya. Ba ba ba bolaya le Baisraele le Bababilonia bao ba bego ba na le yena moo. 26
25:26
Jer. 43:5-7
Ke gona Baisraele ka moka, ba bagolo le ba bannyane, gotee le balaodi ba madira ba tlogilego ba ya Egepeta, ka gobane ba be ba boifa Bababilonia.

Joyakine o ntšhwa kgolegong

(Jer. 52:31-34)

27Ka ngwaga wo Ebile-Merodaka e bilego kgoši ya Babilonia ka wona o ile a ntšha Kgoši Joyakine wa Juda kgolegong. Seo se diregile ka letšatši la masome a mabedi a metšo ye e šupago la kgwedi ya lesome le metšo ye mebedi ya ngwaga wa masome a mararo a metšo ye e šupago ka morago ga ge Joyakine a thopilwe. 28Ebile-Merodaka a mo swara gabotse, gomme a mmea maemong a a hlomphegago go feta a dikgoši tše dingwe tše e bego e le mathopša le yena kua Babilonia. 29A ba a mo apola diaparo tša gagwe tša kgolego, gomme a ja dijo le kgoši bophelo bja gagwe ka moka. 30Ka mehla o be a fiwa tše di nyakegago tša letšatši ka letšatši.