Sepedi 2000 (NSO00)
1

11

1:1
Dit. 18:1
Nna, Paulose, yo ka thato ya Modimo ke lego moapostola wa Kriste Jesu, le Timotheose, ngwanaborena, re dumediša phuthego ya Modimo ye e lego motseng wa Korinte, le badumedi bohle nageng yohle ya Agaya, re re:

2Nke Modimo, Tatagorena, le Morena Jesu Kriste ba le gaugele, ba le fe khutšo.

Paulose o leboga Modimo

3A go retwe Modimo, Tatago Morena wa rena, Jesu Kriste, yena Ralešoko, Modimo, Mokgothatši wa ka mehla. 4O re kgothatša mathateng ohle a rena, gore ka kgothatšo ya gagwe le rena re tle re kgone go kgothatša ba bangwe ge ba le mathateng a mehutahuta. 5Bjalo ka ge le rena re tlaišwa kudu go etša Kriste ge a ile a tlaišwa, Modimo le yena o re kgothatša kudu ka yena Kriste. 6Ge re hlokofatšwa, ke gore lena le kgothatšege, le phološwe; ge re kgothatšwa, ke gore le lena le kgothatšege, le fiwe maatla a gore le kgone go meletša ka kgotlelelo mahloko ao le rena re a meletšago. 7Ke ka lebaka leo go le tshepa ga rena go sa tekatekego; re tseba gore ge le hlokofatšwa bjalo ka rena, le go kgothatšega le kgothatšega bjalo ka rena.

8

1:8
1 Bakor. 15:32
Banabešo, ke nyaka go le lemoša mathata a re bilego le ona nageng ya Asia. A be a re imela kudu mo re ilego ra ba ra itlhoboga gore ga re sa tlo phela. 9Re be re ikwa nke re šetše re ahloletšwe lehu. Fela e be e le gore re se ke ra itshepa, re tshepe Modimo, yena a tsošago bahu. 10Ke yena yo a re phološitšego dikotsing1:10 “dikotsing” Dingwalwakaseatla tše dingwe di re “kotsing”. tše dibjalo tša lehu, ebile o sa tlilo no re phološa. Ke yena yo re holofetšego gore o tla re phološa gape, 11ka ge le lena le re thuša ka go re rapelela. Ke gona dithapelo tše tša batho ba bantši ba ba re rapelelago di tlago kwewa ke Modimo, a re šegofatša, mme ba bantši ba re lebogela go yena.

Paulose o hlanama go etela Korinte

12Rena se re ikgantšhago ka sona ke gore dipelo tša rena di re hlatsela gore boitshwaro bja rena mo lefaseng, gagolo ge re be re le moo go lena, e bile bja go laolwa ke botshepegi1:12 “botshepegi” Dingwalwakaseatla tše dingwe di re “bokgethwa”. le pelo ye e se nago bomenetša ye re e filwego ke Modimo; e bile bja go laolwa ke kgaugelo ya Modimo, e sego bohlale bja batho. 13-14Re le ngwalela fela tše le kago kgona go di bala la di kwešiša. Gomme le ge gonabjale le re kwešiša ka boripana, ke holofela gore ka moso le tla re kwešiša ka botlalo. Ke mo ka Letšatši la Morena wa rena, Jesu, le tlago ikgantšha ka rena, bjalo ka ge le rena re tla be re ikgantšha ka lena.

15Ka kholofelo ye bjalo ke be ke gopotše go tla go lena pele, gore le be le mahlatse gabedi. 16

1:16
Dit. 19:21
Gobane ke be ke gopotše gore ke fete go lena ge ke eya Matsedonia, le ge ke boa ke fete ke le bona, gomme le nthuše ka tše ke tlago di nyaka ge ke eya nageng ya Judea. 17Kgane ge ke be ke gopotše ka mokgwa woo ke be ke bonala ke swaswa? Na e ka ba ge ke gopola taba ke e gopodišwa ke marato, gore mo go nna “Ee, ee” e swane le “Aowa, aowa”? 18Ka Modimo yo a botegago, se ke le boditšego sona ga se “Ee” ye e swanago le “Aowa”. 19
1:19
Dit. 18:5
Gobane Morwa wa Modimo, Jesu Kriste, yo le mmegetšwego ke nna le Silase le Timotheose, ga se wa “Ee” ye e swanago le “Aowa”. Yena ke “Ee” ya Modimo; 20gobane ka yena Modimo o re “Ee” go dikholofetšo tšohle tša gagwe. Ke ka lebaka leo le “Amene” ya rena e bolelwago ka yena, gore go retwe Modimo. 21Yo a tiišago botee bja rena le lena go Kriste ke Modimo; ke yena Modimo yo a re kgethilego gore re mo direle; 22ke yena a re swailego, a tsenya Moya wo Mokgethwa ka dipelong tša rena ya ba tiišetšo ya gore re tla hwetša tše a re beetšego tšona.

23Nna ke bitša Modimo gore e be hlatse ya ka, yena a tsebago pelo ya ka, gore lebaka la gore ke se tle moo Korinte e be e le gore ke se le lakaletše. 24Ga re leke go le laolela tše le swanetšego go di dumela, gobane tumelong gona le tiile. Se re se dirago ke go thušana le lena go le okeletša boiketlo.