Psalms 26

Handhaaf my reg, Here,

want ek, ek gedra my onberispelik;

ek vertrou op die Here,

ek wankel nie.

₂Toets my, Here,

en stel my op die proef.

Suiwer my niere en my hart!

₃Want ek hou u troue liefde voor oë

en ek leef volgens u waarheid.

₄Ek sit nie by bedrieërs nie,

en by slinkse mense kom ek nie.

₅Ek het 'n weersin in die byeenkoms

van kwaaddoeners,

en by goddeloses sit ek nie.

₆Ek was my hande

om my onskuld te toon,

sodat ek rondom u altaar kan loop, Here,

₇om 'n loflied te laat opklink

en te vertel van al u wonderdade.

₈Here, ek het die huis

waar U woon, lief,

u heerlike woonplek.

₉Moet my nie wegruk

saam met sondaars,

my lewe saam met manne

wat bloed vergiet nie,

₁₀hulle aan wie se hande

'n skanddaad kleef,

en wie se regterhand

vol omkoopgeld is.

₁₁Maar ek, ek gedra my onberispelik –

red my en wees my genadig!

₁₂My voet staan op gelyk grond;

in die byeenkomste

sal ek die Here prys.