Psalms 130

Uit die dieptes roep ek na U, Here.

₂My Heer, hoor tog my stem,

laat u ore aandagtig luister

na my smeekbedes.

₃As U sondeskuld toereken, Here –

my Heer, wie kan dan staande bly?

₄Maar by U is daar vergifnis,

sodat U ontsag afdwing.

₅Ek wag op die Here;

my hele wese wag,

en op sy woord vestig ek my hoop.

₆My hele wese wag op my Heer,

meer as wagte op die môre,

ja, wagte op die môre.

₇Israel, vestig jou hoop op die Here;

want by die Here is troue liefde,

by Hom is volkome bevryding.

₈Dit is Hy wat Israel bevry

van al sy sondeskuld.