Psalms 98

Sing vir die Here 'n nuwe lied,

want Hy het wonders gedoen.

Sy regterhand, sy •heilige arm,

het Hom bygestaan.

₂Die Here het sy verlossing

bekend gemaak;

voor die oë van die nasies het Hy

sy •geregtigheid geopenbaar.

₃Hy het sy troue liefde,

sy getrouheid teenoor

die huis van Israel, onthou.

Al die uithoeke van die aarde

het die verlossing

deur ons God gesien.

₄Juig tot eer van die Here,

o ganse aarde;

wees vrolik,

jubel en besing Hom,

₅besing die Here

met begeleiding van liere,

op die lier saam met

die klank van sang,

₆op trompette saam met

die klank van •ramshorings.

Juig voor die Koning, die Here.

₇Laat die see en alles daarin

dit uitbasuin,

die aarde en dié wat daarop woon.

₈Laat die riviere hande klap

en saam met die berge jubel

₉voor die Here;

want Hy kom om die wêreld te oordeel,

Hy sal die aarde oordeel in geregtigheid

en die volke in billikheid.