Psalms 93

₁Die Here regeer;

Hy is met majesteit beklee.

Die Here beklee Hom,

met krag omgord Hy Hom.

Ja, die wêreld staan vas,

dit wankel nie.

₂U troon staan vas van vroeg af;

U is van ewigheid af.

₃Seestrome het hulle verhef, Here,

seestrome het hulle stem verhef,

seestrome verhef hulle golfslag.

₄Magtiger as die gedreun

van baie waters,

as die branders van die see,

is die Here, magtig in die hoogte.

₅U bepalings is baie betroubaar;

vir u huis is heiligheid gepas, Here,

tot in lengte van dae.