Openbaring 19

₁Na hierdie dinge het ek iets in die hemel gehoor. Dit was soos die stemme van baie mense. Hulle het gesê:

₃Hulle het weer gesê:

₄En die 24 ouderlinge en die vier diere het gekniel en hulle het God aanbid, God wat op die troon sit. Hulle het gesê:

₅En ek het gehoor dat iemand by die troon sê:

₆En ek het iets gehoor. Dit was soos die stemme van baie mense en soos baie water wat raas en soos harde donderweer. Hulle het gesê:

₉En die engel het vir my gesê: “Jy moet skryf: ‘God het party mense genooi na die ete wanneer die Lam trou. Daardie mense is gelukkige mense!’ ”

Die engel het ook vir my gesê: “God sê dit, en alles wat Hy sê, is waar!”

₁₀Toe het ek voor die engel gekniel om hom te aanbid, maar hy het vir my gesê: “Nee, moenie my aanbid nie. Ek is ook 'n *dienaar van God, soos jy en jou vriende wat vashou aan die dinge wat Jesus doen en sê. Moenie vir my aanbid nie, jy moet net vir Gód aanbid. Want die dinge wat Jesus doen en sê, is soos wat al die *profete gesê het.”

₁₁En ek het gesien die hemel is oop. Toe sien ek 'n wit perd! Die Persoon wat op die perd gesit het, se Name was “Hy wat altyd doen wat Hy sê” en “Die Waarheid.” Want wanneer Hy oordeel en oorlog maak, dan doen Hy altyd wat reg is. ₁₂Sy oë was soos vuurvlamme, en daar was baie krone op sy kop. Daar was 'n Naam geskryf op Hom, niemand het die Naam geken nie, net Hyself het die Naam geken. ₁₃Hy het klere gedra wat vol bloed was. Sy Naam was “Die Woord van God.”

₁₄Die leërs van die hemel het agter Hom gery op wit perde. Hulle het mooi klere aangehad, klere wat wit en skoon is. ₁₅'n Skerp swaard het gekom uit die mond van die Persoon op die perd. Hy het die mense van die volke doodgeslaan met die swaard. Hy sal hulle met 'n yster-septer regeer. Ja, God wat alles kan doen, is baie kwaad vir hulle. Daarom sal die Persoon op die perd hulle straf. Hy sal hulle straf soos wanneer 'n mens druiwe in 'n parskuip stukkend trap. ₁₆Daar was 'n Naam geskryf op die Persoon se klere en op sy heup. Die Naam was “Die Koning van die konings en die Here van almal wat regeer.”

₁₇Toe sien ek 'n engel wat op die son staan. Hy het hard geroep en hy het vir al die voëls wat hoog in die lug vlieg, geskree: “Julle almal moet hiernatoe kom, want God sal vir julle baie kos gee om te eet! ₁₈Julle mag die lyke van die konings eet, en die lyke van die generaals en die lyke van die belangrike mense, en die dooie perde en die lyke van die soldate wat op die perde gesit het. Ja, julle kan die lyke van al die mense eet, die lyke van die mense wat nie slawe is nie en die lyke van die mense wat slawe is, die lyke van die kinders en die lyke van die grootmense.”

₁₉En toe sien ek dat die dier en die konings van die aarde en hulle leërs bymekaarkom. Hulle wou oorlog maak teen die Persoon op die wit perd en teen sy leër. ₂₀Maar die Persoon op die perd het die dier gevang. Die Persoon het ook die vals profeet gevang. Dit was die vals profeet wat tekens gedoen het voor die dier. So het die vals profeet vir die mense dinge laat glo wat nie waar is nie, die mense wat die merk van die dier gekry het en wat die beeld van die dier aanbid het. Maar die Persoon op die wit perd het die dier en die vals profeet in die see van vuur en swael gegooi. Hy het hulle ingegooi terwyl hulle nog lewe. ₂₁Die Persoon op die wit perd het die ander mense doodgemaak met die swaard wat uit sy mond gekom het. En die voëls het hulle lyke gevreet totdat hulle genoeg gehad het.