Openbaring 12

₁Ek het 'n groot teken in die hemel gesien: Daar was 'n vrou. Die son was haar klere, die maan was onder haar voete, en op haar kop was 'n kroon van twaalf sterre. ₂Die vrou was swanger en sy het geskree, want sy was besig om 'n baba te kry en sy het baie pyn gehad. ₃En ek het gekyk en ek het nog 'n teken in die hemel gesien: Daar was 'n groot draak! Die draak was baie rooi en hy het sewe koppe en tien horings gehad. Daar was sewe krone op sy koppe. ₄Die draak het sy stert gebruik en hy het een derde van die sterre in die lug afgeruk en op die grond gegooi. Hy het gaan staan voor die vrou wat besig was om 'n kind te kry. Die draak wou die kind opvreet wanneer die kind gebore word. ₅Die vrou het 'n seun gekry. God het besluit dat die seun die volke met 'n yster-septer moet regeer. En God het die kind vinnig weggeneem na die hemel, na God se troon.

₆Toe het die vrou na die woestyn gevlug. Daar was 'n plek in die woestyn, 'n plek wat God vir haar gereedgemaak het. Daar het God 1 260 dae lank vir haar gesorg.

₇Toe was daar oorlog in die hemel. Migael en sy engele het oorlog gemaak teen die draak, en die draak en sy engele het oorlog gemaak teen Migael en sy engele. ₈Maar die draak en sy engele het verloor. Daar was nie meer plek vir hulle in die hemel nie. ₉God het die groot draak uit die hemel gegooi. Die draak is die ou slang, die mense noem hom “die duiwel” en “Satan.” Hy bedrieg al die mense van die wêreld. God het hom en sy engele op die aarde gegooi.

₁₀Toe het ek gehoor iemand skree hard in die hemel en hy sê:

₁₃En toe die draak sien dat God hom op die aarde gegooi het, het hy die vrou gevolg en gejaag, die vrou wat die seun gekry het. ₁₄Maar God het vir die vrou twee vlerke van 'n groot arend gegee sodat sy kon wegvlieg van die slang, sy kon vlieg na haar plek in die woestyn. Daar sal God vir haar sorg, drie en 'n half jaar lank. ₁₅Toe het die slang baie water gespoeg na die vrou toe, so baie water soos 'n rivier. Hy wou hê dat die water die vrou moet wegspoel. ₁₆Maar die aarde het die vrou gehelp. Die aarde het oopgegaan en die water het in die aarde ingevloei, die water wat die draak gespoeg het. ₁₇Die draak was baie kwaad vir die vrou en hy het weggegaan om oorlog te gaan maak teen die vrou se ander kinders. Haar ander kinders is die mense wat doen wat God se wette sê en wat Jesus gesê het.

₁₈Die draak het op die strand gaan staan.