Die mense van Israel was ontrou aan die Here
1Die Here het gesê:
“Die priesters,
die leiers van Israel,
en die koning en sy familie
moet almal luister.
Hulle moet hoor
hoekom die Here hulle wil straf.
Hulle het die mense
sonde laat doen op baie plekke:
in die stad Mispa,
op Tabor-berg,
2en in die stad Sittim.
Maar die Here sal hulle almal straf.
3Die Here weet wat
die mense van Israel gedoen het:
Hulle was ontrou,
en hulle het hulleself onrein
gemaak.
4“Hulle het te veel
verkeerde dinge gedoen,
hulle kan nie terugkom
na hulle God toe nie.
Hulle wil graag ander gode dien,
hulle wil nie naby
die Here wees nie.
5“Die mense van Israel dink
hulle is baie belangrik,
maar die Here sal hulle straf
oor wat hulle gedoen het.
Die Here sal hulle verneder,
want hulle het
verkeerde dinge gedoen.
En Hy sal die mense van Juda
ook verneder.
6Hulle sal skape en bokke
en beeste bring om te offer
en hulle sal vir die Here vra
wat hulle moet doen.
Maar die Here sal hulle
nie antwoord nie,
want Hy het hulle gelos.
7Hulle was ontrou aan die Here,
want hulle het
by die tempel-prostitute
geslaap en kinders gekry.
So het hulle
die Nuwemaan-fees gevier,
en daarom sal hulle sterf
en sal die vyande hulle land vat.”
Die Here sal hulle straf
8Die Here sê:
“Julle moet die mense waarsku.
Julle moet die ramshoring
en die trompet blaas
in die stede,
in Gibea, Rama en die sondestad Bet-El.
Die vyande kom,
hulle is al naby die land Benjamin.
9Hulle sal die land Efraim verwoes
op die dag wanneer die Here
hulle sal straf.
Dit sê Ek vir die stamme van Israel,
en dit sal gebeur.
10“Die amptenare van Juda wil nou
die mense van Israel se land vat,
en daarom sal Ek hulle swaar straf.
11Die vyande het die mense van Efraim
laat swaarkry, en dit is reg.
Die mense van Efraim
het afgode gedien
wat hulle nie kan help nie.
12Ek het die mense van Efraim en Juda
siek en swak laat word.
13Toe hulle sien hulle is siek,
het die mense van Efraim vir Jareb,
die koning van Assirië,
gevra om hulle te help.
Maar hy kon hulle nie help
en gesond maak nie.
14Dit is Ék wat die mense
van Efraim en Juda
stukkend geskeur het
soos 'n leeu mense doodbyt
en wegsleep,
en daar was niemand
wat hulle kon help nie.
15“Ek sal nou vir hulle wag
om na my tempel te kom.
Hulle moet sê hulle het
verkeerde dinge gedoen
en hulle moet vir My vra wat Ek
wil hê hulle moet doen.
Wanneer dit sleg gaan
met die mense van Efraim,
dan sal hulle vir My kom vra
wat hulle moet doen.”
