Nuwe Bybelvertaling en Bekendstelling • Afrikaans 2020-vertaling

Ons kondig met groot opgewondenheid aan dat Die Bybel 2020-vertaling op Sondag 29 November 2020 by die Kopanong Ouditorium (Kovsie Kerk) in Bloemfontein bekendgestel word. Die diens word regstreeks om 14:30 uitgesaai op die Bybelgenootskap se YouTube-kanaal asook die Facebook-blad.

Meer as 9 000 eksemplare van Die Bybel 2020-vertaling is al verkoop sedert die Bybel vanaf 19 Oktober beskikbaar gestel is. Die eksemplare wat die Deuterokanonieke boeke bevat is reeds uitverkoop.

ʼn Groep van 179 kundiges wat brontaalkenners, teoloë, letterkundiges en taalpraktisyns ingesluit het, het vir 16 jaar aan hierdie groot projek gewerk. “Die belangrikheid van hierdie vertaling is dat dit vir die eerste keer werklik inklusief is. Die Bybelgenootskap het al die kerke van die Kerklike Advieskomitee: Die Bybel in Afrikaans, wat tans uit 24 kerkgenootskappe bestaan, gevra om vertalers te nomineer en daarby is al die vakverenigings van taalkundiges en vertalers aangemoedig om aansoek te doen om deel van die proses te wees,” verduidelik prof Bernard Combrink, die projekleier.

Geskiedenis van die Afrikaans Bybel 2020:
Klik hier om die geskiedenis en agtergrond van die Afrikaanse Bybel vertalings in Suid-Afrika te lees.

Lees aanlyn of via die BibleSA-app:
Nou beskikbaar om aanlyn te lees op BibleSA of via die BibleSA-app vir alle gebruikers met ʼn gratis profiel.

Gedrukte Bybels:
Klik hier om u eksemplaar van die Bybel te koop.

E-Bybels:
Die Bybel 2020-vertaling volledige e-Bybel met ʼn leservriendelike uitleg asook kruisverwysings, voetnote, verantwoording, woordelys en kaarte. Beskikbaar in Kobo- en Kindle-formaat.

BibleSA – Het jy geweet? (Videos)

Hoe om ‘n gratis BibleSA-profiel te skep (webtuiste + app)

Hoe om die taal van die platform te verander (webtuiste + app)

Hoe om ‘n Bybel te lees en die vertaling te verander (webtuiste + app)

Gepubliseer op Vrydag 27 November 2020