Die jongste nuus

Nuwe Leesplan – Kersfees
Al ooit gewonder waaroor Kersfees gaan? Hierdie 5-dag leesplan is ontwerp vir individue of die hele gesin en bied riglyne met Skrifgedeeltes oor hoe om die Kersfeesgees ten volle te ervaar. Begin vandag jou Bybelleesreis!

Nuwe Bybelvertaling en Bekendstelling – Afrikaans 2020-vertaling

Ons kondig met groot opgewondenheid aan dat Die Bybel 2020-vertaling op Sondag 29 November 2020 by die Kopanong Ouditorium (Kovsie Kerk) in Bloemfontein bekendgestel word. Die diens word regstreeks om 14:30 uitgesaai op die Bybelgenootskap se YouTube-kanaal asook die Facebook-blad. Meer as 9 000 eksemplare van Die Bybel 2020-vertaling is al verkoop sedert die Bybel vanaf 19 Oktober beskikbaar gestel is. Die eksemplare wat die Deuterokanonieke boeke bevat is reeds uitverkoop.

Nuwe Leesplan — ʼn Nuwe Begin

ʼn Nuwe begin by God is moontlik, ongeag hoe geestelik laag ons gedaal het. Of u nou deel van ʼn geloofsgemeenskap of ʼn individuele gelowige is wat in sonde verval het, ons God is die God van ʼn nuwe begin! Hierdie 10-dag leesplan bevat verskeie Skrifgedeeltes wat handel oor onderwerpe soos lofprying, vrede met God in tye van teenspoed, verering, vertroue in die Here, en meer.

Nuwe Leesplan — Jesus

Het jy al ooit gewonder wie Jesus is en hoe sy lewe was? Wat sê die Bybel oor Jesus en die soort liefde waarna Hy verwys? Hierdie 20-dag leesplan bevat verskeie Skrifgedeeltes om jou op die pad te lei en te wys hoe jou geloof vir jou kan werk. Jou reis met God begin hier!

Deur God se genade kon Bybelgenootskappe wêreldwyd daarin slaag om oor die afgelope vyf jaar 1,8 miljard Bybels en Bybelgedeeltes te versprei. Daarmee saam was 2019 ook ’n rekordjaar vir Bybelverspreiding.

“Ons missie is nie om boekrakke vol te maak nie maar om harte te vul met die woorde van die Skrif wat mense se lewens verander.”

In 2020 vier die Bybelgenootskap van Suid-Afrika sy 200ste herdenking. Ons is innig dankbaar vir die Here se genade en seën op hierdie organisasie met die missie om bekostigbare Bybels aan almal in die taal van hul keuse te voorsien.

Die Bybelgenootskap se nuwe aanlynwinkel maak dit nou nog makliker om Bybels te koop.