Spreuke: Eenjaarleesplan – Dag 39

In die tweede deel – Spreuke 8:12-21 – word die omsigtigheid van die Wysheid verheerlik. Die Wysheid soek en vind kennis en goeie oordeel (diskresie). Dit leer ons om te leef in die vrees van die Here.

Dit beteken noodwendig dat jy sal haat dit wat sleg is; dit wat afwyk van God se standaard. Dit sluit houdings (verwaandheid en hoogmoed), bose gedrag en perversiteit – ‘n verdorwe mond – in. Laasgenoemde beskryf iemand wat woorde se betekenis in die teenoorgestelde daarvan verander.