Lewenskrag – Dag 7

₅Nadat Jesus in Kapernaum aangekom het, het 'n offisier by Hom hulp kom vra ₆en gesê: “Here, my slaaf lê by my huis verlam en verduur baie pyn.”

₇En Jesus antwoord hom: “Ek sal hom kom gesond maak.”

₈Maar die offisier sê: “Here, ek is nie werd dat U onder my dak inkom nie. Sê maar net 'n woord, en my slaaf sal gesond word.

₁₃Jesus sê toe vir die offisier: “Gaan terug, en wat jy geglo het, sal gebeur.”

En sy slaaf het op daardie oomblik gesond geword.

₂₉“Is twee mossies nie vir 'n sent te koop nie? En tog sal nie een van hulle op die grond val sonder die wil van julle Vader nie. ₃₀Van julle is selfs die hare op julle kop almal getel. ₃₁Moet dan nie bang wees nie. Julle is meer werd as baie mossies.”

₂₈“Kom na My toe, almal wat uitgeput en oorlaai is, en Ek sal julle rus gee. ₂₉Neem my juk op julle en leer van My, want Ek is sagmoedig en nederig van hart, en julle sal rus kry vir julle gemoed. ₃₀My juk is sag en my las is lig.”