Jordaan

Die Jordaan is ʼn rivier wat vanaf die Hermonberg na die Dooie See vloei. In Ou Testamentiese tye het die Jordaan die grens tussen die land Kanaän en die Transjordaan gevorm. Uit die Nuwe Testament ken ons die Jordaan veral as die rivier waarin Johannes die Doper vir Jesus gedoop het.

Die oorsprong van die Jordaan is in die Hermonberg in die noorde van Israel op ʼn hoogte van 1 800 meter. Via die See van Galilea loop die rivier na die Dooie See in die suide op ʼn hoogte van 400 meter onder seevlak. In die gebied tussen die See van Galilea en die Dooie See kry die Jordaan die meeste van sy water uit die sytakke van die Jabbok en die Jarmuk.