Leër

In die Ou Testament word daar soms gepraat van ʼn Israelitiese leër. In die Nuwe Testament lees ons meestal van Romeinse soldate en leëreenhede.

Die Israeliete het hulle eie leër gehad. Soldate kom hoofsaaklik voor in die verhale in 1 Samuel en 2 Samuel, en in 1 Konings en 2 Konings.

In Deuteronomium 20 vind ons reëls wat die Israeliete tydens oorlogvoering moes nakom. Ons word byvoorbeeld vertel onder watter omstandighede mans nie by die leër hoef aan te sluit nie, en wat met die inwoners van ʼn verowerde stad gedoen moes word.

In die Nuwe Testament het die Israeliete nie meer hulle eie leër gehad nie. Die Romeine was in beheer. Daarom lees ons in die Nuwe Testament hoofsaaklik van Romeinse soldate en leëreenhede.

Soldate het ʼn wye verskeidenheid wapens gebruik. Soldate was ook met wapenrusting toegerus.
In 1 Samuel 13:19-22 word verduidelik dat nie een van die soldate ʼn swaard of ʼn spies gehad nie, omdat die Filistyne gesorg het dat daar geen ystersmid in Israel was wat wapens kon maak nie.