Broodoond

Brood is op ʼn bakplaat of in ʼn oond gebak. ʼn Broodoond kon langs die huis, binne-in die huis in die binneplaas, of naby die deur staan.

ʼn Broodoond is uit hardgebakte klei of baksteen gemaak, en was soos ʼn koepel of ʼn byekorf gevorm. Daar was ʼn opening aan die bokant en soms aan die kant. Die bodem was van klip. Soms is die buitekant van die oond met potskerwe bedek, wat addisionele isolering verskaf het.

ʼn Vuur van gedroogde dieremis is op die bodem van die oond gemaak. Sodra die vuur uitgebrand en slegs die gloeiende kole oorgebly het, is dun, ronde stukke deeg teen die kante van die oond vasgeplak. Soms is die as eers uit die oond verwyder en die deeg dan op die warm klippe op die bodem van die oond geplaas. Die brood was na ʼn paar minute gereed.

Die oond is ook gebruik vir die voorbereiding van ander disse. Panne kon op die opening aan die bokant van die oond geplaas word.