Harnas
Wanneer harnas in die Bybel genoem word, verwys dit nie na die harnas wat die hele liggaam bedek nie. Harnas in die Bybel is ʼn borsharnas of skubharnas.
Israelitiese soldate het gewoonlik geen harnas gedra nie, net ʼn skild
Borsharnas
ʼn Borsharnas is uit stroke leer of metaal gemaak. Aan die voorkant is hulle aan mekaar geheg en dan met bande oor die skouers vasgemaak. Dit beskerm die borskas.
Die borsharnas kom oorspronklik van Griekeland af. Ons weet op grond van afbeeldings dat die Seevolke, wat waarskynlik die Filistyne ingesluit het, borsharnasse gedra het. Hulle het waarskynlik hierdie tipe harnas na Israel toe gebring.
Skubharnas
ʼn Skubharnas was ʼn leervoorskoot waaraan klein metaalplaatjies vasgeheg was wat met mekaar oorvleuel het. Dit was ligter en meer hanteerbaar as ʼn borsharnas, wat soldate meer vrylik kon laat beweeg. ʼn Skubharnas was veral belangrik vir boogskutters of strydwadrywers, aangesien hulle nie hande vry gehad het om hulself met ʼn skild te beskerm nie.
ʼn Skubharnas was al in die vyftiende eeu v.C. in Egipte in gebruik. Die Assiriërs het ook van skubharnasse gebruik gemaak.
1 Konings 22:34
Harnas as metafoor
By ʼn paar geleenthede in die Bybel word die harnas as ʼn metafoor gebruik, byvoorbeeld vir God se geregtigheid. Jesaja 59:17
Lees verder?
Met ʼn gratis BibleSA-rekening kan jy: