Epikurus

Epikurus was ʼn Griekse filosoof (342-270 v.C.) wat ʼn beroemde filosoweskool gestig het. Die boek Handelinge noem mense wat volgelinge van sy filosofie was.

Volgens Epikurus kan die wêreld verklaar word aan die hand van natuurlike verbindings tussen dinge. Die gode het nie die wêreld geskep nie, en hulle meng ook nie by die geskiedenis in nie. Die mens moet homself bevry van sy vrees vir die bonatuurlike en dood en moet strewe na geluk. 

Epikurus het nie in die lewe na die dood geglo nie, vandaar die reaksie van die Epikureërs op Paulus se woorde toe hy met hulle in gesprek getree het in Atene (Handelinge 17:32).