Bible Society of South Africa

Gode en geeste

In die Ou Nabye Ooste het elke land, stad en familiegroep hulle eie gode gehad. ʼn Onderskeid word gemaak tussen hoër gode, mindere gode en geeste.

Panteon 

Die gode het aan ʼn groter gemeenskap behoort, net soos mense deel is van ʼn familie. Aan die hoof van die kollektiewe gode (ook ʼn “panteon” genoem) was die koning van die gode. Die belangrikste gode was sy seuns. Hulle het ʼn vergadering gevorm wat al die besluite geneem het. Die gode wat deel was van hierdie vergadering en wat aan die hoof was, het verskil ten opsigte van tyd en plek.

Mindere gode en geeste

Benewens die belangrike gode was daar baie gode wat minder belangrik was. Hierdie mindere gode was gewoonlik helpers of boodskappers van die belangrike gode. Hierbenewens was daar geeste soos demone en voorvadergeeste. Die skeidslyn tussen geeste en mindere gode is nie altyd duidelik nie.

Die verskil tussen mense en gode

Die gode word gewoonlik beskryf aan die hand van menslike kenmerke — hulle het oë, ore, hande en ʼn mond, en ook gevoelens soos geluk, jaloesie en woede. Die verskil is dat die gode heelwat groter, wyser en kragtiger as mense was. Anders as mense was die gode ook onsterflik.

Die god as koning

Die panteon van ʼn land of stad is uitgebeeld as ʼn koninklike hof met die koning aan die hoof en sy koninklike gevolg rondom hom. Die koning van die gode sit voor by die vergadering van die gode, net soos ʼn koning aan die hoof staan van die raad. Die god lewe soos ʼn koning in ʼn paleis en sit daar op sy troon. ʼn Aardse tempel is beskou as ʼn presiese weergawe van die god se hemelse tempel. Dit het beteken dat die god tot die troon in hemel en op aarde verhef is. Gewone mense het die koning van die gode met eerbied en lojaliteit genader — op dieselfde wyse waarop hulle ʼn aardse koning sou nader. 

Vreemde gode in die Bybel

In die Ou Testament word die bestaan van ander gode nie ontken nie (sien bv Rigters11:24). Die idee dat daar slegs een God is, spruit uit ʼn latere datum. Maar Israel is verbied om ander gode te dien. Die God van Israel verdra nie ander gode naas Hom nie (sien bv Eksodus 20:1-6). Gode buiten die God van Israel is uiteraard vreemde gode. Die Bybel praat dikwels baie algemeen van “die gode” of “vreemde gode”. Soms word hulle by die naam genoem.

Lees verder?

Met ʼn gratis BibleSA-rekening kan jy:

  • Ander vertalings in alle amptelike tale lees.
  • Na die Bybel luister (11 vertalings is reeds beskikbaar).
  • Verskillende Bybelvertalings vergelyk.
  • Jou ervaring verspersoonlik deur jou eie notas en gemerkte tekste in te sluit. Jy kan ook jou notas en gemerkte tekste afsonderlik besigtig.
  • Toegang kry tot meer as 1 100+ onderwerpe en agtergrondartikels in Engels en Afrikaans asook 52 volkleurkaarte.

Bible Society of South Africav.4.17.10
VOLG ONS