Bilha en Silpa

Bilha en Silpa is byvroue van Jakob. Ragel gee haar slavin Bilha aan Jakob as sy vrou, om kinders vir haar in die wêreld te bring. Lea doen dieselfde met haar slavin Silpa.

Die naam Bilha beteken “beskeidenheid”. Bilha is ook ʼn naam van ʼn plek wat ons in 1 Kronieke 4:29 aantref. Bilha is Ragel se slavin, wat deur haar vader Laban aan haar gegee word toe sy met Jakob trou. Wanneer Ragel vir ʼn lang tyd kinderloos is, gee sy haar slavin Bilha aan Jakob as vrou, sodat sy deur haar kinders kan hê. Bilha bring twee seuns vir Ragel in die wêreld, Dan en Naftali (Genesis 30:3-7).

Die naam Silpa beteken “klein neus”. Die naam Silpa kom slegs in die boek Genesis voor in verhale oor Jakob.

Silpa is Lea se slavin, wat deur haar pa aan haar gegee is toe sy met Jakob getroud is. Nadat Lea vier seuns in die wêreld gebring het, blyk dit dat sy nie meer kinders kan kry nie. Daarom gee sy haar slavin Silpa aan Jakob as sy vrou, sodat sy vir Jakob nog kinders kan kry. Silpa bring twee seuns vir Lea in die wêreld, naamlik Gad en Aser (Genesis 30:9-12).

Nie lank ná Ragel se dood nie, het Ragel se oudste seun Ruben gemeenskap met Bilha (Genesis 35:22). Dit kos Ruben uiteindelik sy eersgeboortereg, omdat hy sy vader se bed verontreinig.