2 Johannes

Die tweede brief van Johannes is ’n kort briefie wat, soos 1 Johannes en 3 Johannes, aan die apostel Johannes toegeskryf word. In sekere opsigte pas hierdie drie briewe baie goed in by die Evangelie volgens Johannes.
Die brief waarsku teen vals leraars wat ontken dat Jesus ooit ’n mens was.

Die tweede brief van Johannes is vanuit die omstandighede van die outeur se huisgemeente geskryf en is gerig aan ’n ander gemeente, wat hy aanspreek as “die uitverkore vrou en haar kinders” (2 Johannes 1:1). Die gemeentelede word opgeroep om mekaar lief te hê. Dit word opgevolg met ’n waarskuwing aan bedrieërs wat dieselfde doen as diegene in 1 Johannes. Om so iemand aan huis te ontvang of om hulle selfs net te groet, word beskou as medepligtigheid aan hulle bose praktyke.

Anders as die eerste brief van Johannes, vertoon 2 en 3 Johannes die kenmerke van ’n ware brief.