1 Timoteus: Struktuur

Die eerste brief aan Timoteus bevat verwysings na pastorale sorg binne die Christelike gemeenskap.

1 Timoteus voorsien riglyne vir die gedragvan diegene in leiersposisies in die Christelike gemeenskappe. In die eerste hoofstuk word die taak wat aan Timoteus opgedra is, nuut geformuleer: hy moet bly by die onderrig wat hy ontvang het en wegbly van mense wat hom wil verlei.
Hoofstukke 2 en 3 gee opdragte aan die gemeentelede en ampsdraers in die gemeente.
Vanaf 1 Timoteus 4:6 word Timoteus self weer aangespreek; hy word opgeroep om vals leerstellings te bestry.
In hoofstuk 5 word sy verantwoordelikhede ten opsigte van weduwees, ampsdraers en slawe in die Christelike gemeenskap uitgespel. In die laaste hoofstuk word die verskil tussen die ware geloof, wat Timoteus verkondig, en die dwaalleer beklemtoon.