AMARHUBO 93

₁USomnini uyabusa, wembethe iphazimulo;

uvunule bewazithekeleza amandla!

Ngalokho wanzinzisa iphasi,

nje-ke angeze lanyakaziswa.

₂Somnini, isihlalo sakho sobukhosi

sinzinze mandulondulo;

wena ungowanini nanini.

₃Amanzi amanengi aphakamile, Somnini,

iye, iinkhukhula ziphakamise iphimbo lazo;

mbala, amalwandle aphakamise ukubhodla kwawo.

₄Kodwana ngaphezu kwetjhada lamanzi amanengi,

iye, itjhada lamadlambi welwandle anamandla,

kunoSomnini phezulu onamandla.

₅Ubufakazi besivumelwano sakho bethembakele khulu,

ukucwengeka kuyifanele indlwakho Somnini,

bekube nini nanini.