Die Here beskerm sy volk

125¹'n Pelgrimslied.

Dié wat op die Here vertrou,

is soos Sionsberg

wat nie wankel nie

en altyd vas bly staan.

²Soos die berge Jerusalem aan alle kante beskerm,

so beskerm die Here sy volk,

nou en vir altyd.

³Oor die grondgebied van die regverdiges

sal 'n goddelose nie die mag kry nie,

sodat die regverdiges nie in misdaad verval nie.

⁴Here, doen goed aan dié wat goed is,

die opregtes van hart!

⁵Maar dié wat die verkeerde pad loop,

mag die Here hulle vernietig

saam met dié wat onreg doen.

Mag daar vir Israel vrede wees!